- Lyrics
- Album list
- Singer Intro
下地イサム( 下地勇 )
-
アタラカの星/ロング・バージョン
Lyricist:下地勇 Composer:下地勇
んざがみ歩(あす)きばぞーかーが 人(ぴとぅ)や同場所(ゆぬとぅくま)ぬ目当(みあ)てぃな 果(ぱ)てぃや見いらるん砂漠地(んーなぐづー)ゆ 願(にご)う心(き゚む)だきどぅ我(ば)ぬう助きうー うぬ星(ぷす)んな 我(ばん)とぅ一頭(ぴすとぅから)ぬ馬(ぬーま) 和合(わごう)ぬ地(づー)ゆ探(とぅ)みーどぅ がまらす心(ぎむ)だきゆ担(くん)ぎ アタラカぬ父母(うやんま)や アタラカぬ物(むぬ)うふぃーたー いつがみまい止(ゆどぅ)まん世(ゆー) 我(ば)ぬう歩(あす)かすだき
んざがみ歩(あす)き来(き゚)たがーら 歩(あす)き゚意味やーつ押(う)さいらるん 捨(す)てぃたふぁにゃーんがまらさまい 疲(ぶが)りゅ心(き゚む)やーつ治(のー)さるん 今(んなま)だきや 夢(いみ)ゆ見いしみる 戻(むどぅ)らるん昔(んきゃー)ぬ Find more lyrics at ※ Mojim.com アタラス母(あんな)ぬ腕(うでぃ)ん 心愛(ぎむがさ)さ溢(あふ)りーぬ 忘(ばす)きらるん日数(ぴかず) アタラカぬ人々(ぴとぅぬきゃ)ゆ 戻(むどぅ)しふぃーぶさぬ
うん越(く)いや何(のー)まいさーりーふぃーなよ “ツンダラーサ”てぃぬ言葉(くとぅば)や 死(す)ににゃーん新世(みす゚ゆー)ぬ やがてぃ廻り来(き)すがみ
アタラカぬ父母(うやんま)や アタラカぬ物(むぬ)うふぃーたー いつがみまい止(ゆどぅ)まん世(ゆー) 我(ば)ぬう歩(あす)かすだき
アヤシャーカぬ太陽拝(てぃだうが)み 和合(わごう)ぬ大地(うぶづー)んかい 遠(あが)た果(ぱ)てぃがみまい 歩(あす)き゚止(ゆどぅ)まされん
-
|